Polderwonde
 
Trap ’n slap lag
In ’n japtrap plat
 
Ek kyk verstard na my hande
In die klam groen polderlande
Oopgesny met waterlemme
Bloeiende aardewonde
 
Gooi my met ’n handvol skulpe
Dan koop ek vir jou tulpe
Neptunis wys sy tande
Met wit skuimrande
 
Ons almal ingeburgerd
In ons moer in ongehinderd
Sien maar en kom klaar
Ma praat tog net nie “raar”
 
Elke hond kry sy dag, sê jy
Ma elke brak kry twee
Wie sal die laaste lag, vra hy?
Wie’s die hondevanger?
Sê my, sê my, pleit hy!
 
Ma, elke brak kry twee
Wie sal die laaste lag
Sê my, sê my, sê my
 
Bo blink!
Onder stink!
 
Roer tog net nie in die water!
 
CG